الموضوع خبر وفاتك

خبر وفــاتك .!

تخيل ان هذا هو انت.. أو أنتي

وتوفاك الله في هذه الأيام وفي هذا العام

طبعا يوم توفيت ودوك للمستشفى وخلوك في الثلاجة عشان إجراءات شهادة الوفاة..

تركت غرفتك وجهازك وجوالك وأصحابك..

واهلك وأمك وأبوك والدنيا كلها تبكي على فرقاك

يجي أخوك يقول لأمك : يمه أخوي فلان توفى .. وأمك تصرخ وتبكي ماتبيك تروح عنها ابد..

يتبادلون الرسايل وفلان ابن فلان توفي أو فلانة بنت فلان توفيت وبيصلون عليه أو عليها في المسجد الفلاني بكره الظهر..

جاء بكره وإخوانك واهلك وأصحابك ماناموا يبكوووووون عليك بجد..

جاء بكره الساعة 10 الصبح وجابوك للمغسلة والكل جاك وسلم عليك وقبل جبينك.. وانت مغطى كفونك ..بالأبيض ..وريحة السدر تفوح في كل مكان..

شالوك وودوك للمسجد وضعوك قدام الإمام وأبوك وإخوانك وأصحابك..تجمعوا كلهم في بيت الله.. في البيت اللي يناديك خمس مرات في اليوم وانت ولا هنا..

صااااااااح المؤذن وقال
الصلآآآآآآآآآآة على الميت يرحمكم الله..

وكبر الإمام ::: الله اكبر
والكل قرأ عليك الفاتحة

الله اكبر
والكل دعا لك وتوسل لك عند اللي انت مقصر معه...وكبر وكبر وكبر وسلم..
السلام عليكم ورحمة الله

والتفتوا لبعضهم وتوافدوا لأبوك وإخوانك :::: (أحسن الله عزاكم الله يغفر له ويرحمه)
شالوك على كتوفهم وودووووك المقبره..

وكانوا فيه ناس هناك مجهزين قبرك والتراب

جابوك وحطوك في الحفرة ورصوك بكومة من الأحجار واللبن وكبوا التراب ودعوا لك ومشوا..

وانت
تسمع قرع نعالهم ..... راحواااااااااااا ..... وخلوووووووووووووووك..

وعزاك 3 أيام وينسووووونك..

وانت
ماعندك ولاااااااااشي.. جيت ضيف عند اللي يناديك خمس مرات ياعبدي تعال أبيك ..ياعبدي حي على الصلاة ياااعبدي الصلاة خير من النووووم...

جيت ضيف عند اللي رَزَقك وعزك عن الحاجة والسؤال..

جيت ضيف عند اللي خلاك في أمان ..وأغناك..

جيت ضيف عند اللي غلطت على عباده وأذيتهم..

ياترى تتوقع إن فيه احد أنت ظلمته يوم سمع بوفاتك قال ( الله لايحلله ولا يبيحه مات اللي أذاني)؟؟؟؟

ياترى تتوقع احد بيجيب خبرك مع اللي تسولف معهم في النت.. والله محد داري عنك..

غرفتك بتقول ياااارب انا غرفة فلان أو فلانة كان يسوي فيها ويسوي فيهااااا

سيارتك بتحكي

جوالك بينطق

أي ارض مشيت عليها بتقول يااارب فلان ا للي مات سوى كذا وسوى كذاااا

وانت

ماعندك حتى كلمه قلتها من قلبك تحاج فيها ربك..

مت .. وناس زعلانه عليك.. مت اهلك ماذاقوا برك.. مت وانت لاهي مع اللي والله والله يجلسون معك بالساعات واذا قاموا نسووووووووووك..

مت .. واللي عزك وعلاك وكبرك.. الحنان المنان الرب الرحمن.. ماااااااااااااااااجلست معه جلسه تقول فيهااااا الله اكبر وتبدى بالحديث معه وتقول الحمدلله رب العالمين وتركع له وتسجد له خمس دقايق بس..

أنا ماقلت هالكلام إلا والله أخشي وأخاف إني ما الحق على الحج ويقدر ربي سبحانه إن 1431 هـ آخر سنه أتنفس فيهاااا..
أرجوك حاسب نفسك
ولا تعتذر للي ظلمته ولكن كف أذاك عنه
وصل فرضك

و عُد إلى ربك قبل ما يُقولوا .... مااااااااااااااااااااات فلان .

اللهم صل على سيدنا محمد ماذكره الذاكرون ، وصل على سيدنا محمد ماغفل عن ذكره الغافلون

السلام عليكم و رحمة الله و بركاته : جعل الله الموضوع في ميزان حسناتكم اللهم آمين

اللهم احسن خاتمتنا جميعا

» داعية على سريرة
» لا تدع حياتك تنهار بسبب رحيل إنسان
» رجال احبهم الرسول 2
» فوائد الزنجبيل للشعر منقول
» سلسة صحابيات حول الرسول