مجموعة لفات حجاب تحفة للبنات

السلام عليكم و رحمة الله و بركاته
أخواتي العزيزات لقد وجدت هذا الموضوع في أحد المواقع و قد أعجبني كثيرا و أردت أن أنقله لكم للافــــــــــــــــــــــــــ ادة
و أرجو أن لا تنسو صاحبة هذا الموضوع من دعائكم
بنات كتير دلوقتي بيلبسوا الحجاب الاسبانش
او الخليجي او اي اسم

وهي عبارة عن لفات للطرحة

وكل وجه طبعا في لفة بتليق عليه

والبنانيت يقولوا لبعضهم
ياه لفة الطرحة دي عليكي تحفة

ياي
جامدة موت اللفة دي ولون الايشارب ماشي مع الحزام اللي بيبرق مع البرموده مع الجزمة

والانسيال اللي في رجلك ده حياكل منها حته ولفت نظر

والمونكير اللي في رجلك مخليها قمر وانتي قمر اصلا

انتي ايه يا بنتي شوية البودرة دوول اللي عليكي دوول مخلينك زي البدر مافيش جمال بعد كده

انتي بتروحي لكوافير مين عشان اروح معاكي واجيب اصحابي

انتي زي العسل كده يابنتي وخديها نصيحة من صحبتك اللي بتحبك خليكي على الشكل ده كده , حتلاقي العرسان طوابير
واكتر من طوابير العيش

طيب يا بنات هي ايه اللفة دي

عبارة عن اي شكل بيتلف بيه الطرحة وفي كل الاحوال بيكون ملفت للنظر
وممكن بنات تقول مش حيلفت النظر ده بقى شئ عادي

حنقولها بيتهيئلك
ده انتي عنيكي حتطلع على كل بنت عشان تشوفي ربطتها احلى ولا ربطتك
ولو ربطتها جديدة تقلديها ولو ربطتك حلوة تستمر عليها

طيب خدي بالك ان ده مش الحجاب اللي ربنا عايزك تكوني عليه

انتي عارفه انك لما بتبيني جزء من اذنك ورقبتك وخصل مش شعرك بتغضبي ربنا وعداد سيئات شغال كل اللي يشوفك او تعجبيه او تلفتي نظره

ولو كانت بنت زيك وقلدتك تاخدي ذنبها وذنب كل اللي يقلدك ويقلدها
لانك كنتي السبب

طيب اي ولد وشاب حيشوفوكي كده

بنت زي الفل
جميلة : ربنا وهبها جمال

حيقول الله مافيش بعد كده
وطبعا هيتفتن بيكى

بنت مافيش بعد كده مش محجبة خالص
دي واحدة لبسه لبس موضة
طرحة
وبادي
وحزام
واكسسوارات
وبنطلون برمودة
او بنطلون ضيق

او جزمة بدون كعب
او صندل

والاضافات

كيلو بودرة على الوش
روج احمر ومتوفر بالوان اخرى حسب لون البادي او الجزمة او الشنطة
بادي ضيق اوووووي
بالاضافة لصندل او شبشب والصوابع باينه والمنكير كتير بألوان متعددة
ويعيني بقى على الاكسسورات وخصوصا النظارات و و و والحلقان والتاتوه والانسيال اللي في رجليها و و وووو

شوفى بقى لو شافك اى ولد هيقول ايه؟؟؟؟؟

بس حد يقول الحق مش عليه الحق عليها هي اللي عاملة في نفسها كده
وحد يقول لأ دوول شباب عايزين قطم رقابيهم مش بيغضوا بصرهم
وناس يردوا حاضر حاضر حنغض بصرنا بسخلى البنات تحترم فى لبسها ونفسها , عشان شهوتنا بتتحرك راعوا الظروف مافيش جواز يا بنات
وحد يقول ما كمان المحجبات والمنقبات بيتعاكسوا وبيتحرشوا بيهم
حنقولهم في ابتلاء من ربنا ليهم هل حيثبتوا ولا حييأسوا من رحمه ربنا مش البنت تقول انا كنت بطيعك واتبهدلك ودلوقتي آدي الحجاب مش لابساه تاني
لأ
ده ابتلاء والابتلاء يعني صبر والصبر ثوابه الجنه
اصبري لو حصلك ده يبقى ده ابتلاء وان شاء الله يزول وربنا يحفظك وماتقعيش فيه ابدا وانتي وكل بنت مسلمة او غير مسلمة

واللي احنا فيه يا جماعة كله ابتلاء من ربنا
والابتلاء لايأتي الا بذنب والذي يرفع الابتلاء توبه الي الله
يعني لو توبنا لربنا عن كل ذنب

سيختفي من حياتنا الآتي
الخوف
الرعب
المضايقات
التحرشات
الكذب
النفاق
الرياء
البلاء
الغلاء

والحياه حتبقى جميلة والجنة حتبقى لينا ونعيم القبر بعد مانتوب توبه بجد وحقيقية

وحيكون لينا ساعتها نصيب نشوف وجه الله واحنا مش مكسوفين من ذنوبنا

منقول

» مجموعة معجنات
» مجموعة بوتات رووووووووعة
» مجموعة افكار لغرف نوم الاطفال
» اسرار للبنات
» اقدم لكم بمشيئة الله مجموعة من خصائص الرسول عليه الصلاة والسلام وهذه واحدة منهم وهى الشفاعة